“ഗതാഗതമാണ് വികസനത്തിന്റെ അടിത്തറ. അത് ഒരു സേവന മേഖലയുമാണ്. വിവിധ ഗതാഗത സംവിധാനങ്ങൾ പരസ്പരപൂരകമായി പ്രവർത്തിക്കുന്നതിലൂടെ മാത്രമേ നിലവിലെ ഗതാഗത പ്രശ്നങ്ങൾക്ക് പരിഹാരമാകൂ. വ്യോമഗതാഗതം, ട്രെയിൻ,മെട്രോ,ബസ്,ബോട്ട്,ടാക്സി, ഓട്ടോ ഇതെല്ലം ആധുനിക സാങ്കേതിക വിദ്യയിലൂടെ കൈകോർത്തുനിന്നു വാഹങ്ങളുടെ അമിതമായ ചലനത്തിനപ്പുറം ജനങ്ങളുടെ ഗതാഗതം എന്ന ലക്ഷ്യത്തിലേക്കുള്ള ലോകത്തിലെ തന്നെ ആദ്യത്തെ സംരംഭമാണ് കൊച്ചിൻ ഓപ്പൺ മൊബിലിറ്റി നെറ്റ്‌വർക്ക്. ഇവിടെ ഗതാഗത സംവിധാനങ്ങൾ പരസ്പരം മത്സരിക്കുകയല്ല എല്ലാവരും പരസ്പരം വളരാൻ സഹായിക്കുകയാണ്. ഇതിലൂടെ പൊതു ഗതാഗത ശാക്തീകരണം മാത്രമല്ല കൊച്ചിയിലെ ജനങ്ങളുടെ സാമാന്യ ജീവിതത്തിനാകെ ഒരു ഉണർവ് ലഭിക്കും എന്ന് തീർച്ച. ഇന്ത്യയിൽ ആദ്യമായി സമഗ്ര നിയമ പശ്ചാത്തലത്തിൽ രൂപീകരിക്കപ്പെട്ട കെ.എം.ടി.എ ആണ് ഈ പദ്ധതിക്ക് നേതൃത്വം നൽകുന്നത്”